As part of the measures to reduce the spread of Covid-19 for inside Kaduna state, the state Governor, Mallam Nasir El Rufai been impose 24 hours curfew ontop the state, few days ago.
But e go surprise you say, on Friday 27th of March, Juma’at prayers still happen for two places inside Kaduna state. Both of these places dey Kaduna North.
The State Commissioner for Internal Security and Home Affairs, Samuel Aruwan, talk say the two imams wey still conduct Juma’at prayers na Aminu Umar Usman from Malali area and Malam Umar Shangel, from Unguwan Kanawa, and them don arrest both of them.
Aruwan advice the people of Kaduna state to obey the curfew rule, because anybody wey break am, them go arrest and prosecute the person.
