The National Agency for Food and Drugs Administration and Control (NAFDAC) don warn people wey dey sell food make them stop to dey use paracetamol to cook meat or beans because they want make e quick soft, e fit cause liver or kidney failure for people wey dey chop the food.
Mrs. Roseline Ajayi, the Kwara Coordinator of NAFDAC talk am during the sensitization program for people wey dey sell food, say them dey use am to reduce cost, but e fit cause serious body-matta palava for people wey dey chop the food, especially Liver and Kidney failure.
The NAFDAC coordinator say paracetamol na drug wey them dey use treat pain and fever, say food na to make body dey alright and drugs na to treat yama-yama diseases. If person use drugs cook food, e dey become poisonus to people wey eat am.
