The Yobe state Controller of the National Agency for Food, Drug Administration and Control (NAFDAC), Mr. Lawan Dadingelma don advise herbal medicine dealers for Yobe, to get product registration with the agency to safeguard public body-matta.
Him talk this thing on Friday inside Damaturu.
Dadingelma talk say the registration of herbal products go facilitate comprehensive laboratory analysis to know whether the herbs and other products dey good for consumption. Him say registeration dey necessary because e go help the agency to check whether the herbal medicine dey toxic, because if them no do this check, e fit cause gbege for people wey dey consume these herbal medicines. The high toxic content of herbs naim dey cause some of the damages to vital human organs like kidney and liver.
Dadingelma come talk say to avoid body-matta-related risks wey dey herbal medicine, the agency don ask producers to put proper labels ontop their products, with their office address, manufacturing and expiring date, NAFDAC registration number and dosage wey patients go use.
Him come say consequences dey for people wey no follow these instructions.