Home As e de hot Lassa Fever Update: FCT Minister Don Beg Body-matta Experts, Make Them Collabo...

Lassa Fever Update: FCT Minister Don Beg Body-matta Experts, Make Them Collabo To Fight Lassa Fever.

Photo Credit: Pulse NG

Federal Capital Territory FCT minister, Malam Muhammad Musa Bello don ask Abuja residents to cool tempter, as them never get any confirmed case of Lassa Fever for inside FCT. Him talk this thing during the emergency meeting of medical experts and senior members of the FCT Administration, because neighbouring states don get confirm cases of this yama-yama disease wey them dey call Lassa fever, so Abuja gats prepare too.

Plenty experts dey the meeting, experts from; virology and infection prevention and control from the Nigeria Centre for Disease Control (NCDC), World Health Organisation (WHO), University of Abuja Teaching Hospital Infection Prevention and Control Committee, National Hospital Medical Advisory committee, FCT Chapter of the Nigeria Medical Association (NMA), Port Health Services, FCT Primary Healthcare Board and Department of Public Health, and many others.

The minister say FCT get good body-matta facilities, so experts need to ginger so that anytime wey any yama-yama disease show face inside Abuja, them go fit handle am wella, whether na Lassa fever or Coronavirus. Him come say, make area council chairmen tanda to join the fight, make them go ginger grassroots make everybody fit sabi wetin dey shelle for we country.

Bello come beg our oga-experts them, make them collabo to fight this yama-yama disease, so that water no go pass garri, and make Abuja people do normal-normal, make them for no go get Lassa fever or any other yama-yama disease.


Please enter your comment!
Please enter your name here

This site uses Akismet to reduce spam. Learn how your comment data is processed.