Today December 1st 2019, na World AIDS Day.
World AIDS Day na the day wey UN set aside for AIDS sensitization and awareness for the whole wide world.
UN and WHO start to observe World AIDS Day since 1988, this year own mark the 31st World AIDS Day wey them celebrate.
The theme for this year own na; “Communities make the difference.”
As of 2017, AIDS don kill between 28.9 million and 49.5 million people World wide, with over 36.7 million people wey dey live with HIV World wide.
Inside Naija, as of 2018, 1.9 million people get HIV, the deaths of people wey get HIV don reduce by 26% since 2010, which means say awareness don improve, but we need to do more, because out of 100% of people wey get HIV only estimated 67% know their status, 53% of people wey get HIV dey receive treatment, and 42% dey virally suppressed.about 55% of the population of people with HIV sev na women.
TalkHealth9ja dey use this opportunity to beg Nigerians to know their status, HIV screening na free, e go better for person to know him status and start treatment before water go pass garri.
