UCH Ibadan don experience some up and down time recently, e never too tey wey we report say them no get functional nebulizer to treat one asthma patient like that, but their public relations officer, later say the tori no get oil.
Good news sev enter, when pastor Adeboye donate dialysis machine worth 10M to the hospital, come promise them 2 more of that kind machine.
The CMD of UCH, on Wednesday 18th, ontop him twitter handle, announce say him commission the renovated and re-equipped right wing of the Intensive Care Unit (ICU) of the hospital, wey them never use for the past 36 months.
The ICU contain:
- Seven mechanical turbo power ventilators.
- Six multi-channel invasive monitors.
- One central monitor.
- Four syringe pumps.
- Four infusion pumps.
- Six SAM-14 suction pumps.
- Six electric beds.
- Six air mattresses.
- Two crash carts.
This na tori wey dey burst brain sha, but 36 months na 3 years o, make a major part of hospital no function for that long, e mean say our government need to do more, gaskiya.
