On Monday, 2nd December, 2019 TalkHealth9ja team been visit Prof. Oladapo Lapido, President Association for Reproductive and Family Health, ARFH, to formally present award to am, in recognition of him contribution towards the growth of TalkHealth9ja and the maiden Talk Health Evening (T.H.E) event in commemoration of 5th anniversary of TalkHealth9ja radio show.
TalkHealth9ja CEO and Senior Publisher, Dr. Laz Ude Eze (Don Laz), too dey present, and as professionals for Public Health space, them follow talk somethings.
Part of the things wey we get from the convo na; NPHCDA go round primary body-matta centres for FCT, all of them no meet criteria to receive the Basic Healthcare Provision Fund, wey FG disburse for primary body-matta centres sometimes in May, about 13billion naira. Money reach states pocket, but no primary body-matta facility for Abj meet the criteria to access this fund.
As them no fit access this funds right now, the questions wey dey unanswered be say; wetin go happen to the one wey dey ground already if them no use am? them go still disburse more funds if them no use this one? how them go fit ensure say these primary body-matta facilities go take meet these criteria if them no get money from this fund? the Area Council chairmen for Abuja, them sabi say these body-matta facilities no meet criteria? Wetin them they do about am?.
Stay tuned, TalkHealth9ja go bring you any info wey we fit dig up as regards to this tori.