Pink Africa Foundation don dash 15 post-mastectomy bras to the Psycho-Oncology unit for University of Calabar Teaching Hospital, UCTH make dem give free of charge to breast cancer survivors wey need am. The bras sef na the foundation produce am by themselves. This na because dem wan make breast cancer survivors wey no too get plenty money to fit afford am.
The Founder of the Foundation, Dr. Nchiewe Ani, say them dey ginger to make more post-mastectomy bras to support breast cancer survivors wey need them.
This donation come as Pink Oak Cancer Trust, Pink Africa Foundation and University of Calabar Teaching Hospital meet to implement their partnership to dey sponsor elegible cancer patients, people wey dey stages 1/2 of breast, prostate, skin, colorectal, retinoblatoma, Burkitt’s lymphoma, Acute lymphocytic leukaemia and cervical cancer.
People wey dey the meeting na CMAC, Prof. Ogbu Ngim, DCMAC Clinical, Dr. Emanghe , the heads of departments/unit for Pathology, Internal medicine, paediatric surgery, Urology, Obstetrics and gynecology, Surgery; hematology, psychiatry; the Executive Director Pink Oak Cancer Trust, Dr Laz Eze and Pink Africa Foundation representatives led by Dr. Nchiewe Ani and Mr. Victor Ekpo.
Pink Africa Foundation don say them go dey produce post-mastectomy bras, wey them go dey sell at 30% off the current price; and the money wey them go generate, them go use dey provide more support for breast cancer patients.
