Home Things wey happen People With Sickle Cell Need Love, Not discrimination – Haematologist

People With Sickle Cell Need Love, Not discrimination – Haematologist

Photo Credit: https://www.heart.org

Dr Titilola Akingbola, Consultant Haematologist, don advise Naija make we stop to dey discriminate against people wey get sickled cell disease, say make we show them love instead, she talk this thing for the fourth edition of the Faysol Oluwakemi Health Care Foundation (FOHCAF) Annual Health Lecture, on Friday, inside Ibadan.

The News Agency of Nigeria (NAN) report say the theme of the lecture na “Operation kick out Sickle Cell Disease: Your Role, My Role.”

Akingbola, wey dey work for the University College Hospital, Ibadan, say “sickle-cell disease (SCD) na group of blood disorders wey people dey inherit from their parents. Na one of the most common genetic diseases worldwide, and e plenty for Middle East, Mediterranean regions, South-East Asia and Sub-Saharan Africa, especially Nigeria.

According to the haematologist, SCD Naija get the highest burden of sickle cell disease for the whole world, small tata wey dey die every year no dey less than 150,000, representing more than eight percent of infant mortality inside Naija.

Akingbola advise youths make them know their genotype and blood group before them enter relationship or marriage, she beg them to think about their children and their future. As AS genotype, no fit marry person with AS or SS genotype; to avoid kasala.

“Also, people no dey pay attention to whether their blood group jam. E necessary to reduce still births and miscarriages,”

NAN report say them do free medical screening for genotype and hepatitis for the event.


Please enter your comment!
Please enter your name here

This site uses Akismet to reduce spam. Learn how your comment data is processed.