Anambra State government say e go post beneficiaries of N-Power to serve as data clerks for all the private body-matta facilities inside the state.
Permanent secretary for the state ministry of health, Dr John Ndibe, talk this thing for orientation programme for 120 private medical proprietors inside Awka, say not less than 70 per cent of Anambra women dey use private body-matta facilities, so them need for correct data keeping to assist planning.
According to the permanent secretary, them don provide everything for the N-power officers wey them go post to the private body-matta facilities so that the work go dey easy for them.
The state family planning coordinator, Mrs Stella Ekweozor, say the state government decide to partner private hospitals because na them dey attend to more patients than government-owned hospitals.
She say data collection between private hospitals and the ministry of health been dey give them wahala, na why them decide to send N-Power staff as data clerks to all the private body-matta facilities.
