Katsina State Government say them dey target seven million people for vaccination against Yellow Fever inside the state.
Them start this vaccination as them detect 36 new cases mostly for inside Danmusa and Kankara Local Government Areas of the state. The Deputy Governor of the state, Alhaji Mannir Yakubu, talk am as him dey inspect the vaccination exercise on Monday for Katsina.
“Yellow fever na serious infectious disease wey one kind mosquito dey transmit. This na opportunity for them to vaccinate children of age 9 months and people wey dey up to the age of 44 years. Them choose this age range because na them dey get this infection pass.
The deputy governor come beg the heads of households, individuals, parents, traditional and religious leaders to allow their people commot so that them go dey vaccinated.
The Executive Director, National Primary Health Care Development Agency, Faisal Shuaib talk say them go enter schools, mosques, churches, markets, and motor parks, and other places where people wey need this vaccination dey.
