The Minister of Health, Dr Osagie Ehanire talk on Thursday say them go upgrade seven federal teaching hospitals for Naija, fully equipped with oncology centre to manage all types of cancer.
Ehanire talk am for the beginning of the 2019 Breast Cancer Awareness Month, wey the ministry organize in collaboration with the Federal Ministry of Women Affairs and Social Development as well as MedicAid Cancer Foundation, wey be NGO.
According to am, the centres go dey the Usman Danfodio University Teaching Hospital (UDTH), Sokoto; Ahmadu Bello University Teaching Hospital (ABUTH), Zaria; and the National Hospital, Abuja. The remaining centres go dey the University of Nigeria Teaching Hospital (UNTH), Enugu; University of Benin Teaching Hospital (UBTH), Benin; University College Hospital (UCH), Ibadan, and the Lagos University Teaching Hospital (LUTH), Lagos.
The minister say na breast and cervical cancers kill people pass for Naija. He say na lack of awareness, late presentation, and poor health-seeking behavior cause am wey cancer dey kill many people for Naija.
He come say lack of money, religious and traditional beliefs, inadequate experts to manage the disease, and inadequately equipped cancer managing centres too don contribute to the rising cases of cancer palava.