University of Nigeria Centre for Clinical Trials under their oga wey be radiation oncologist, Professor Ifeoma Okoye, don start better work as them don appoint Dr. Laz Eze as Senior Advisor – Strategy and Research Communications.
Dr. Laz Ude Eze wey be one of the pioneer staff for the centre, na public health management expert and naim be the Executive Director of the Pink Oak Cancer Trust, Nigeria’s First Cancer Treatment Fund.
The centre appoint Dr. Laz Ude Eze because him don ginger well for body-matta and people don see him handwork. Him go dey provide technical support to increase the power of the centre institutional framework, establishment and management of strategic research communications and him go help design and implement the visibility plan.
The University of Nigeria Centre for Clinical Trials (UNNCECT) na the first for West Africa and the second for Sub-Saharan Africa. Clinical trials go help patients’ wey get chronic disease and medical researchers, because e go provide knowledge and evidence to improve the effectiveness of drugs and medications.