Home Things wey happen Skin Bleaching Fit Cause Cancer, Hypertension and Kidney Failure-Dr. Gab-Okafor

Skin Bleaching Fit Cause Cancer, Hypertension and Kidney Failure-Dr. Gab-Okafor

Photo Credit: https://metro.co.uk

Public Body-matta Doctor for the Department of Biochemistry and Nutrition, Nigerian Institute of Medical Research, NIMR, Dr. Chidinma Gab-Okafor don warn Naija people we dey use cosmetic products, for skin-lightening(bleaching), say them fit get a lot of non-communicable yama-yama diseases.

She talk am for the public lecture wey NIMR organize, say skin bleaching na when people dey use creams, soaps, serum, lotions, relaxers, scrubs, oils, face wipes, foundations, powders and other cosmetic products, to reduce the black pigment wey them dey call melanin, and na this melanin dey protect skin from sunlight.

World Health Organization, WHO, say 77% of women for Naija dey bleach and na the highest percentage for the world. Studies sev don show say more than 50% of men for Naija dey bleach, and parents sev don dey introduce their small children to bleaching too.
She talk say skin bleaching products contain three main chemicals  wey oyibo dey call hydroquinone, mercury and corticosteroids, most of the creams and soap wey dey market na dangerous mixture of these chemicals like steroids, mercury and hydroquinone.

These chemicals fit cause cancer and using them for a long period of time fit lead to very serious body-matta issues like skin cancer, blood cancer, liver and kidney cancer, liver damage and kidney failure. Apart from cancer, research sev don show say skin bleaching fit also cause hypertension, diabetes, reduce immunity, reduce chances of having children, e fit even affect unborn children if woman use am when she get belle.

TalkHealth9ja dey use this opportunity beg our country people say; since the problem wey bleaching fit cause for us plenty pass the good thing, e go better make we dey the way God create us, because nobody ugly.


Please enter your comment!
Please enter your name here

This site uses Akismet to reduce spam. Learn how your comment data is processed.