Prof. Abdulkadir Tabari wey be medical expert, and Chief Medical Director (CMD) Barau Dikko Teaching Hospital, Kaduna, dey call on the concerned authorities and stakeholders to make Naija medical residency program better. Tabari, talk this thing when him yarn for the 39th annual General meeting and scientific conference of the National Association of Resident Doctors (NARD) on Thursday inside Kaduna.
The News Agency of Nigeria report say the theme of the conference na ‘Human Resource Challenges of Residency Training: Nigerian situation in the Global mix.’ Tabari say e dey important to strengthen the residency program in order to reduce big difference between the number of doctors and patients for we country.
According to him, the study by WHO wey Spectator Index publish on January 13 show say Naija dey produce 0.37 doctors per 1000 people. “According to MDCN as of 2018, Naija get about 72,000 nationally registered doctors, and na only about 35,000 of them dey practice inside Naija. “E mean say about 1 doctor to every 5, 700 Nigerians. Far below the WHO standard of 1 doctor to 600 people.”
Tabari say Naija need about 290,000 doctors to fill the space so that we go fit meet the World Health Organisation standard.
