When body dey kakaraka, na blessing, but when you use akanuche find means to prevent yama-yama from causing wahala for your body na extra blessing be that.
Prof. Joshua Obaleye wey dey the Department of Chemistry, University of Ilorin, say him team don discover anti-malaria, anti-cancer and anti-tuberculosis drugs wey them fit produce bokku in order to save lives.
The don, wey be the President, America Chemical Society, Nigeria Chapter, and Chairman, Nigeria Chemical Society, Kwara State Chapter, say him no get money to produce these drugs plenty so that them go fit dey market.
TalkHealth9ja dey use this opportunity to beg government, interested people and organizations to help support this discovery, make we for fit reduce the number of people wey these yama-yama sickness dey kill for we country.
