Them say hungry man na angry man, but no be who get money or know say food dey wait for am fit vex? If you no get anything na who you wan vex with?.
E get something wey oyibo dey call SAM (Severe Acute Malnutrition), Mr. Usman Baraya, the former nutrition officer for Gombe, say 1, 732 small pikins don enter hospital from January to April 2019 because of SAM. Him talk say UNICEF sev wan commot hand for the matta and if e happen like so, water don pass gari be that, because small pikins wey SAM go dey kill every year go bokku pass as e be so.
Country people, wahala dey, but we no go see am. TalkHealth9ja dey use this opportunity to beg Naija government make them try help us improve the standard of living of we people, because if money and food dey, hunger no suppose cause kasala or kill anybody. And you wey get little abeg help the poor and needy.