The list of Committees wey the Senate bring out today show say the man wey pursue the before before Senate Presido Bukola Saraki komot for office, Senator Ibrahim Yahaya Oloriegbe don land Chairmo position inside Senate Committee on Bodi-mata (Health).
Senator Oloriegbe na medical doctor wey school for Ahmadu Bellow University Zaria. He na also before before Majority Leader for Kwara State House of Assembly between 1999 and 2003. He get plenty experience inside bodi-mata projects implement inside obodo Naija as he don work with plenty NGOs.
Tori wey dey reach us be say NGO bodi-mata people dey jubilate on top this appointment and dem wan make he help take bodi-mata things to the next level. We say, congratulobia!