Home As e de hot Naija don get Muscle to fight Disease Outbreaks – NCDC

Naija don get Muscle to fight Disease Outbreaks – NCDC

As Body-mata Sabinus Give Accolades to them

Dr. Chikwe Ihekweazu - NCDC Oga

The Nigeria Centre for Disease Control (NCDC) talk say Naija don get muscle to fight any disease outbreak wey show face. Dem talk this one during the launch of their Annual Report 2018 for Abuja last Friday 10th May 2019. The NCDC Oga, Dr. Chikwe Ihekweazu say e totori their mind as the National Assembly and Oga Presido Buhari give carry-go for the law wey establish their agency (NCDC Act 2018). He listed plenty achievements wey dem achieve for inside 2018. You sef fit download and read everything inside here. Oga Chikwe talk say dem still need plenty money and support to take the ministry of fighting diseases to the permanent site.

Oga Minister for body-mata, Prof. Isaac Adewole and Minister of State, Dr. Osagie Ehanire carry tuale give Dr. Chikwe and the NCDC workers for their jinja and achievements. He say im belle sweet as Naija Reference Laboratory for Gaduwa dey do plenty torchlightment for different diseases organisms. He say this one don komot the shame of carrying samples to other countries for lab torchlightment.

The Oga for National Primary Healthcare Development Agency (NPHCDA), Dr. Faisal Shuaib talk the achievement of NCDC in 2018 dey amazing. Oga for Nigerian Agency for Disease Control (NACA), Dr. Sani Aliyu agree with am. Oga for Pink Oak, Dr. Laz Ude Eze follow them give tuale to NCDC, he talk say their progress sweet im belle like say tomorrow no dey. Plenty other sabinus (experts) wey attend the launch bin give plenty gbosaa to NCDC as dem promise to move to the next level for 2019.

Vivianne Ihekweazu and Laz Ude Eze pose with the NCDC Annual Report 2018


Please enter your comment!
Please enter your name here

This site uses Akismet to reduce spam. Learn how your comment data is processed.