Home Covid 19 Cross River and Kogi Health Commissioners go face Trial as dem don...

Cross River and Kogi Health Commissioners go face Trial as dem don Pooh-Pooh on top of dia Medical Oath – NMA

300
1
Dr Edu of C/River and Dr Haruna of Kogi

E be like say Covid-19 fight don land two Commissioners for Health – Dr Betta Edu of Cross River State and Dr Saka Haruna of Kogi State, for trouble. Di ogbonge join-bodi of medical doctors for Naija – Nigerian Medical Association (NMA) dey jinja to carry two of dem make dem face trial inside medical tribunal idf dem continue to dey use politics dey fight Coro instead of science. Na di oga presido of NMA – Prof. Innocent Ujah talk dis one last weekend.

Prof. Ujah – Presido of Naija Doctors

NMA Presido dey paravex and accuse di two commissioners of talking and behaving anyhow without following NCDC guideline to fight Covid19 thereby putting lives of doctors, other health workers and Naija people in danger. This one, according by Prof. Ujah, mean say dem don carry dem professional oath and medical ethics dey pooh pooh on top am. He talk say enough is enough as NMA no go allow dat one continue. Dem also accused di Governors of di two states of playing with di life of dem people and called on Presido Buhari to draw dem for ears make dem sit up.

We bin send message to di Kogi Commissioner for Health, Dr Haruna to guage how he bin see dis talk by NMA presido, but he never anwer us.

1 COMMENT

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.