Home As e de hot Coro Don Coro-nate Imo Assembly, As 13 Lawmakers Test Positive To Covid19.

Coro Don Coro-nate Imo Assembly, As 13 Lawmakers Test Positive To Covid19.

84
0
Photo Credit: innonews.com.ng

Spokesperson for Imo State COVID-19 Task Force, Chimezie Iwuala, don yan say nothing less than 13 lawmakers for Imo state don get Coro.

Chimezie yan this thing for Owerri, the Imo state capital say, na as them carry samples from their lawmakers for testing, when Nigeria Center for Disease Control NCDC, bring results come back, 13 lawmakers been test positive to Covid19.

The Chairman, House Committee on Information and Judiciary, Nelson Ezerioha, confam say the tori na true, but e no dey according by the Law to talk the name of the people wey get the virus.

Ezerioha say 26 out of 27 of them been take the test and NCDC don dey call them since then, say NCDC tell am say him dey Negative, and him no know who and who dey positive and him no wan yan about am.

NCDC don advice all the members of Imo state House of Assembly to go into self-isolation.

The Speaker, Collins Chiji, been order total lockdown of Imo state Assembly Complex last week, after one lawmaker been test positive for COVID-19. And them go Fumigate the Assembly Complex soon.

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.