State governments dey receive bar from left, right, up, down and center, because the fight against Coro no be one man fight, and the available resources fit no dey enough for the fight.
People don donate money, buildings, PPE etc, to state and Federal government since the time wey Coro enter Naija, and Kaduna don give their current total as far as cash donations dey concerned.
The governor of Kaduna state, Governor Nasir El Rufai announce am from him verified official twitter handle say Kaduna state don receive 1.26 billion in cash donations.
This na almost times two of wetin them announce for the first update, them been get N641 million. Kaduna state government come thank people wey donate money and items towards their fight against Coro.