The Oga Minister of Informate, Alhaji Lai Mohammed don deny say he no talk the talk say ogbonge government don share N5 billion to Naija people wey no get money make dem dey use dey hold bodi during this Coro period. Oga Lai talk this one when the Presidential Taskforce on Control of Covid-19 follow tori people talk today and our tori pesin hear am live on TV. But he no talk the exact amount ogbonge govt don share.
He also tell Naija people make dem dey believe only the things wey government tell dem about Covid-19 because fake news too plenty for town especially social media. He also beg people wey dey spread fake news make dem stop.
The talk-to-tori people still dey go on when we rush to give you this tori o.