The Oga at the top for the Nigeria Centre for Disease Control (NCDC), Dr Chikwe Ihekweazu don talk say the rumour wey some ignorant people dey spread say money fit transmit Coronavirus Covid-19 no be true. He talk this one when he follow ChannelsTV talk inside this morning. According by him, the virus no dey survive for long outside human being body.
Oga Ihekweazu talk the only way wey e fit happen na if pesin wey get the virus use naira note cover nose and sneeze, and another pesin come carry same money put for im nose come breathe go inside. He talk say NCDC don put out correct message to country people on different ways wey the virus fit spread and begged rumour mongers make dem march break.
He also carry plenty tuale and gbosa to Governor Sanwaolu of Lagos State, Oga Minister for bodi-mata – Dr Osagie Ehanire, staff of NCDC and everybody wey dey support them to make sure say Coronavirus no scatter Naija economy.