Dr Esther Somefun, Gender and Reproductive body-matta Analyst, wey dey work with United Nations Population Fund (UNFPA), say women wey them don do Female Genital Mutilation (FGM) for, no dey gbadun Kolombi.
Somefun talk say e no dey easy for women wey them circumcise to enjoy Kolombi because of the external female organ wey them cut small or wella. So any time wey the woman and her man dey Kolombi, the clitoris wey suppose dey commot water to lubricate the place them don close because them cut am. E dey make Kolombi pain woman, infertility, pelvic inflammatory infections, menstrual pains and Keloids.
She beg young girls and women to ginger, make them educate people about Female Genital Mutilation, through advocacy for communities and media. She come say UNFPA wey work with Federal government to revise the National Policy and plan of action for Female Genital Mutilation for inside Naija.