The Nigerian Centre for Disease Control (NCDC) don beat hand for him chest talk say nothing dey dem don ready for this Coronavirus even before it show face for obodo Naija. The oga DG for NCDC, Dr. Chikwe Ihekweazu yan this one top twitter. He talk say NCDC don get jinja and preparation for this outbreak wey just happen.
Dr Ihekweazu come kneel down beg Naija people say make dem no spread fake news wey go put fear inside people but to make sure say every tori dem dey spread about this virus na fact.
The Ogbonge Ministry for Bodi-mata bin break tori yesterday that one Italy man don carry Coronavirus enter obodo Naija but say everything dey under control. The patient himsef dey stable and dey undergo treatment for inside Lagos.
Read this to clear doubts you fit get about Coronavirus.