The Bauchi State Primary Healthcare Development Agency (BSPHDA) dey ginger to build public body-matta laboratory make e for be reference point for Northeast, Nigeria, in case of disease outbreak.
The Executive Chairman of the agency, Dr. Rilwanu Mohammed say them need the laboratory because disease outbreak plenty for the region, when the laboratory set, them go dey diagnose diseases such as Lassa fever, Yellow fever, Measles and other Hemorrhagic Fevers.
Him say them go start with small one sha, but them get hope say them go build bigger one in future. Them go fit dey do tests for their side instead of to dey carry samples go Abuja or other states.
Rilwanu come say, by their analysis, the laboratory go dey generate between 150 to 200 million naira for the government every year, say Primary Healthcare Development Agency wan do something wey go dey support the government of Bauchi state.