Home Things wey happen Collabo Between Body-matta And Blockchain Technology Go Improve Naija Health Sector.

Collabo Between Body-matta And Blockchain Technology Go Improve Naija Health Sector.

169
0

If Blockchain technology and health sector collabo, body-matta services go tanda wella, na why Jelurida Africa, wey be blockchain firm for Lagos, join hands with Nigeria Medical association to organize one day seminar on the 7th of December, 2019. This seminar bring in professionals from the body-matta sector, students and stakeholders for blockchain technology ecosystem to discuss how both sectors fit collabo to upgrade body-matta services for inside Naija.

30 participants been attend, including; student representatives from Lagos State University Medical Students Association (LASUMSA), Lagos state university teaching hospital (Lasuth), The Chairman of the Nigerian Medical Association, Lagos chapter, Dr. Saliu Oseni and the Secretary Dr Ramon Moronkola.

Mr. Chuta Chimezie, the founder of Blockchain Nigeria User group been yarn about; Blockchain Basics, to make sure say people understand how e dey be and how them fit apply am for body-matta sector.

Mr. Jude Ozinegbe, COO of Vaultbridge, Cyber security expert and Blockchain advocate been talk about the need for medical facilities to take security measures seriously and them fit use Blockchain to secure patients health records. Say them fit use blockchain for Access control, 2FA systems and CCTV cameras, say e go reduce security risks and Cyber attacks for healthcare system.

The Managing Director of the Organizing firm – Jelurida Africa, Adebajo Adedayo come yarn about how blockchain fit ensure patient-centric body-matta care system, how them fit use crowdfunding as Blockchain feature to raise funds for healthcare projects inside Naija.

Kayode Babarinde, Lead Partner for KAYBABS Consults sev explain the importance of enforcing the right health policies wey go allow the acceptance of technology for the sector.

The Chairman of the Nigerian Medical Association, Lagos chapter, Dr. Saliu Oseni, talk about the challenges wey them dey face as Medical practitioners inside Naija. Him advise Jelurida Africa, the organizing firm, make them test some of the Blockchain solutions for some chosen medical facilities as a way of testing and recording its success.

See some pictures from the seminar.

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.