Home As e de hot #PinkOctober: Breast Cancer Dey Do Both Men And Women, E Just Common...

#PinkOctober: Breast Cancer Dey Do Both Men And Women, E Just Common For Women-Dr. Laz Eze.

118
0

Dr. Laz Eze, wey be the Executive Director of PinkOak Cancer Trust, and senior advisor, strategy and research communications to The University of Nigeria, Nsukka (UNN) Centre for Clinical Trials (UNNCECT), talk say breast cancer dey do both men and women, e just common pass for women.

Him talk this thing for 95.1 FM, Nigeria Info, on Monday, as part of the #PinkOctober sensitization wey PinkOak do this year. Doctor Laz Eze been make some important points when him yarn with Nigeria Info, some of the points be say:

  • Breast cancer dey do both men and women, e just common pass for women.
  • If you detect cancer for the early stage, them fit cure am, if you go for treatment sharperly.
  • Them no know the causes of most of the cancer.
  • Wetin dey make most cancer patients die na because say them diagnose the cancer late, and money no dey to treat them.
  • PinkOak Cancer Trust and their partners dey help few of these patients but them fit do more if Nigerians donate money to PinkOak and other cancer related funds.
  • Government suppose make Health Insurance Coverage Compulsory for all Naija people and make e cover cancer too. Governments for local, state and federal level too suppose put money for cancer awareness, diagnosis and treatments.

TalkHealth9ja dey use this opportunity beg our government for Naija, Interested persons and organizations to invest so that our people no go dey die anyhow because of cancer.

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.