Home As e de hot #AsEDeyHot: Naija’s Dr Eboreime don break record with 1st African PhD...

#AsEDeyHot: Naija’s Dr Eboreime don break record with 1st African PhD for Implementation Sciences

Dr. Ejemai Eboreime na person wey wan make big impact for bodi0mata and im new ogbonge degree go help am.

1809
3
Dr. Ejemai Eboreime

Naija no dey carry last! Jollification and happiness don full everywhere among bodi-mata people for Africa as ogbonge saninus medical doctor from Edo State, Nigeria, Dr. Ejemai Eboreime graduate today from the University of Witwatersrand inside South Africa with Doctor of Philosophy for Implementation Sciences. But no be only am get this baba for degrees (PhD), Nireshni Naidoo from South Africa na the second pesin o. For now, na two of them be the first and only to read book reach this level on how to take implement bodi-mata programs.

Dr. Eboreime bin graduate from the Ambrose Ali University, Ekpoma in 2008. He come do im NYSC for Kaduna State between 2010 and 2011. E come go London School of Hygiene and Tropical Medicine go collect Master of Science in Public Health (Health Services Management) in 2014. Na for the National Primary Health Care Development Agency this sabinus doctor don dey work since then.

Dr. Ejemai don do plenty bodi-mata torchlightments (a.k.a health research) and publish them for plenty bodi-mata journals for obodo world. If you doubt am, ask Google. Abeg, he deserves plenty accolades!

Dr. Naidoo and Dr. Eboreime

3 COMMENTS

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.